03 Aug 古代目測水溫大法
啲人成日問我哋水吧師傅，沖茶有咩秘訣，其實好簡單，四個字「水滾茶靚」！我哋現代人想知水溫，可以用溫度計🌡，不過有經驗嘅師傅當然唔需要。咁古代人泡茶，點知水嘅溫度呢？就要靠目測喇！唔同溫度嘅水會有唔同嘅變化，喺古代文獻就有記載，古人稱唔同嘅階段分別為：蝦眼水、蟹眼水、魚眼水，接近沸騰時則稱為「湧泉連珠」及「騰波鼓浪」。大家下次煲水時不妨留意一下！ 蝦眼水：約50℃ - 90℃*，壼底泛起嘅小氣泡 蟹眼水：約90℃ - 92℃*，水沸騰之前，氣泡漸大好似蟹眼一樣 魚眼水：約92℃ - 96℃*，馬上要進入沸騰狀態，水泡如魚眼 *溫度只供參考...
