20 Dec 「絲襪」原來係白洋布袋！
港式奶茶又名「絲襪奶茶」，除咗因為奶茶入口好似絲咁滑外，另一說法係食客將啡色嘅茶袋誤以為係絲襪。其實茶袋係用白洋布製成，白洋布質地薄而柔軟，布孔細密，可以將最幼細嘅茶都隔走；平時大家食嘅布拉腸粉，都係用白洋布整㗎！ 咁絲襪又沖唔沖得奶茶呢？絲襪嘅密度唔夠高隔唔到茶渣，加上較薄同易爛，所以最好都係用返白洋布袋沖啦！...
港式奶茶又名「絲襪奶茶」，除咗因為奶茶入口好似絲咁滑外，另一說法係食客將啡色嘅茶袋誤以為係絲襪。其實茶袋係用白洋布製成，白洋布質地薄而柔軟，布孔細密，可以將最幼細嘅茶都隔走；平時大家食嘅布拉腸粉，都係用白洋布整㗎！ 咁絲襪又沖唔沖得奶茶呢？絲襪嘅密度唔夠高隔唔到茶渣，加上較薄同易爛，所以最好都係用返白洋布袋沖啦！...
啲人成日問我哋水吧師傅，沖茶有咩秘訣，其實好簡單，四個字「水滾茶靚」！我哋現代人想知水溫，可以用溫度計🌡，不過有經驗嘅師傅當然唔需要。咁古代人泡茶，點知水嘅溫度呢？就要靠目測喇！唔同溫度嘅水會有唔同嘅變化，喺古代文獻就有記載，古人稱唔同嘅階段分別為：蝦眼水、蟹眼水、魚眼水，接近沸騰時則稱為「湧泉連珠」及「騰波鼓浪」。大家下次煲水時不妨留意一下！ 蝦眼水：約50℃ - 90℃*，壼底泛起嘅小氣泡 蟹眼水：約90℃ - 92℃*，水沸騰之前，氣泡漸大好似蟹眼一樣 魚眼水：約92℃ - 96℃*，馬上要進入沸騰狀態，水泡如魚眼 *溫度只供參考...
雖說每個人嘅口味都唔同，有人鍾意飲奶味稍為重啲嘅港式奶茶，又有人鍾意唔落糖，不過要判斷一杯港式奶茶正唔正，其實都有一個基準嘅！ 同其他食物一樣，港式奶茶都係講求色、香、味： 👀：呈「金黃色」，睇吓會唔會唔夠色或者茶色「太瘀」，同埋有冇「掛杯」 👃：聞吓茶香會唔會夾雜草青味 👅：品嚐吓奶茶夠唔夠滑，有冇層次感 ⏰：睇吓夠唔夠火候，會唔會過咗火變「老」...
熱奶茶係茶餐廳嘅招牌飲品，可能大家都知落單時會寫「T」，原來仲有另一個叫法？冇錯就係「9T」！「9」嘅英文「nine」，同廣東話嘅「奶」讀音相近，而「T」就係「tea」，亦即係茶，咁兩個字加埋就係「nine tea」——奶茶喇！...
大家都知想炒個靚滑蛋，會加少少奶，但你又知唔知點解呢？我就聽過幾個說法，其中一個係指牛奶含有酪蛋白，等雞蛋可以喺低溫下逐漸凝固，唔會一下子變老，所以會滑啲；不過亦有人認為加咗奶會令蛋味變淡，唔應該喺炒蛋時加任何水或奶。唔知大家又鍾意食邊款蛋呢？...
「飛沙走奶」大家就聽得多，唔知「飛沙走石」又有冇聽過呢？「沙」其實係指白砂糖，因為兩者嘅外型好相似，所以「飛沙」即係走糖，而「石」即係冰粒，同樣因為冰粒同石頭嘅外型、質地都好似，所以「走石」就係走冰咁解！嚟緊去茶餐廳食飯可以試吓同伙計講：「嚟杯飛沙走石唔該！」...
水吧師傅成日都話：「開工要開早，仲要煮三寶！」大家知唔知「三寶」係咩呢？ 其實就係大家喺茶餐廳食早餐或常餐經常食到嘅雪菜肉絲、炸菜肉絲同沙嗲牛肉，係做水吧師傅一定要識㗎！...
有時候我哋茶餐廳請人，都會想請「文武吧」，唔通個伙計要「好打得」？梗係唔係啦！話說以前冰室一般都只係得水吧提供飲品同輕食為主，到後嚟轉型茶餐廳，有埋廚房可以供應炒粉麵同碟頭飯，如果個廚可以入得廚房埋鑊，又出得水吧沖咖啡茶同整「三寶」，就可稱為文武吧喇！...
喺茶餐廳聽到伙計嗌「制水」，唔通佢哋冇水用？當然唔係啦！其實「制水」喺茶餐廳術語解乾炒牛河，因為乾炒牛河嘅縮寫係「乾河」，如果條河乾咗冇晒水，咁就要「制水」喇！...